Kas baileiguoks par zači? Lasa Terēze Rasima un Ernests Rasims.

Reiz začam apnika dzeive, i kai ar neapniks, kod vysi jū vojoj? Pa dīu jū dzanoj medinīks ar sunim, pa nakti jam juosagloboj nu vylka, lopsys i cytim zvierim. Ari ereļs i vonogs nu augšys piec juo verās. Pat nīka kačs gotovs klupt začam viersā.

"Gryuta muna dzeive," dūmuoja začs. "Nava dzeivinīka, kas byutu vairuok vojuots i nicynuots par mani. Par kū maņ taidam dzeivuot iz pasauļa?"